تصدر هاشتاغ #ايمن_وميزوا_اتخانقوا تريند موقع التواصل الاجتماعي الشهير تويتر، وذلك بعد اشتعال نيران الفتنة بين أيمن نور ومعتز مطر بسبب التسريبات.
وكتب أحد المغردين على تويتر ساخرًا تعليقًا على هذه الأزمة: «أيمن لميزو اللي ترضاه على غيرك ارضاه على نفسك».
وتابعت أخرى: «فضحتونا قدام الغرب.. يلا أحسن عشان محدش يقول بنتبلي عليكوا» لترد عليها صديقتها: «عندك حق، ظهرتوا علي حقيقتكم».
ماذا حدث؟
خرج الإعلامي معتز مطر في قناة «الشرق» التي تُبَث من تركيا، مهزوزاً ومرتبكاً، بعد الكشف عن إحدى المكالمات التي إنفرد بها «العربي الحديث»، والتي ظهر بها أيمن نور رئيس مجلس إدارة قناة الشرق وقيادى من جماعة الإخوان، وكان محور الحديث يدور بينهم عن فشل الجماعة في تحقيق هدفهما في حشد المواطنين للمظاهرات، وتسببت تلك التسريبات في إشتعال الأزمة بين أيمن نور ومعتز مطر.
نص المكالمة المسربة
أيمن نور: عايز أقولك إن فى لبنان الحالة عظيمة جدًا، لكن الحقيقة هى نكسة أو هى هزيمة.
القيادى الإخوانى: للأسف كلنا حاسين نفس الإحساس ده يا دكتور والله، بس احنا بقالنا فترة بنحاول وبنجهز وبنعد الدعم وعمالين نتواصل مع محمد على والناس بتوعنا ولازم نعمل ولازم نعوض الإخفاق اللى كان حصل عندنا فى سبتمبر، علشان نعمل حاجة كويسة فى يناير ونحفز الناس بس مش عارف إيه اللى حصل.
أيمن نور: للأسف لأول مرة أشعر إننا فى حالة حزن وخيبة أمل وصدمة، كنت بقولك الناس تنزل الشارع ونعمل مظاهرة أو فعالية لكن اكتشفت حجم الكارثة.
القيادى الإخوانى مقاطعا نور: يا دكتور أنت والله ما قصرتش، ربنا يعلم تحفيز حضرتك لينا هو اللى كان مخلينا نكمل لحد دلوقتى، بس أنا مش عارف بعد اللى عمله محمد على إنه هو يطلع ويقول هنسحب وأقفل صفحتى، أنا خايف بكره الصبح إن باقى الناس اللى بندعمهم على الأرض وعمالين نوفرلهم كل الدعم، كل واحد يطلع بكره يقول أنا هقفل صفحتى ولا هنسحب من الحراك، يعنى احنا لازم نلحق الدنيا قبل ما نخسر المعركة.
أيمن نور: أنا عايز أقولك فشلت وهزمت فى المعركة الأولى فلا معركة أخرى لها قيمة..